Policia e Kosovës ka njoftuar se një person në prizren nga pakujdesia duke vozitur një mjet transportues ka shkaktuar aksident duke goditur 2 femra, të cilat ishin duke kaluar rrugën, përcjellë InLajmi.
Kështu ka bërë të ditur Policia e Kosovës në raportin 24 orësh, ku kanë shtuar se me rastin është njoftuar edhe Prokurori.
“Rr. Zahir Pajaziti, Prizren, 04.03.2021-10:10. I dyshuari mashkull kosovar derisa ishte duke drejtuar automjetin transportues, nga pakujdesia dhe mossigurimi i pajisjeve përcjellëse të automjetit-kranit, ka shkaktuar aksidentin duke e goditur veturën e cila ishte e parkuar në skajin e rrugës, dhe për pasojë nga inercioni vetura (ka lëvizur rreth 13 metra) ka goditur dy viktima femra kosovare të cilat ishin duke e kaluar rrugën, dhe në fund vetura ka përfunduar në murin e një lokali, të cilit i janë shkaktuar dëme materiale. Si pasojë e aksidentit, lëndime kanë pësuar viktimat të cilat pas tretmanit mjekësor janë liruar. Lidhur me rastin është informuar edhe prokurori. Rasti në procedurë të rregullt”. /InLajmi/
