Në manifestimin qendror, Parada e FSK-së që u mbajt për nder të 23-vjetorit të Epopesë së UÇK-së, mori pjesë edhe djali i heroit Hamëz Jashari, Bekimi, raporton InLajmi
Në fjalim e tij, Jashari falënderoi NATO-në dhe shtetet mike që kontribuan në çlirimin e Kosovës.
Ai theksoi se shteti u krijua falë atyre që nuk e kursyen as jetën dhe amaneti i tyre duhet dërguar në vend.
“Sot falënderojmë NATO-n dhe shtete mike. Mirënjohje për diasporën për kontributin në luftën tonë. Shtetin që e krijuam falë atyre që nuk e kursyen jetën e kemi amanet ta zhvillojmë. Në rrugën tonë duhet të jemi të bashkuar. Sot 23 vite pas falë punës së përbashkët kemi ushtrinë tonë”. /InLajmi/
