Ëmbëlsirë me shije mandarine, recetë me supershije .
Pёrbёrёsit:
8 mandarina
Gjysmë shege
Për krem:
2 lugë sheqer pluhur
2 lugë nisheste
2 gota të çajit lëng mandarine
1 gotë e çajit ujë
Për pjesën me bollgur
1 kg qumësht
1 gotë sheqer
1 gotë bollgur
Përgatitja:
Në një enë e shtrini foljën strec, mandarinat i ndani në dy pjesë dhe i vendosni në kallëp.
Përmbi ia shtoni shegën, për krem nishestën, sheqer, lëngun e mandarinave dhe ujin e vendosni në një enë dhe e përzieni.
E derdhni në një tenxhere në zjarr mesatar dhe e përzieni rreth 10 minuta.
Kremin e përfituar e derdhni përmbi mandarina, e lëni pak në pritje.
Filloni ta përgatisni pjesën me bollgur, në një tenxhere e derdhni bollgurin, qumështin, sheqerin dhe e përzieni në zjarr mesatar derisa te përfitoni masën e duhur.
Pastaj e derdhni përmbi në torte, ia vendosni një folje dhe e ktheni tortën në anën e kundërt, e lëni në pritje rreth 4 orë në frigorifer.
Pas pritjes së nevojshme e preni në copa të vogla.
