Ish deputeti i Lëvizjes Vetëvendosje Fitim Uka ka bërë të ditur se i është vjedhur një televizor gjatë një sulmi të mbrëmshëm në klinikën e tij, përcjellë InLajmi.
Ai sqaron për të gjithë se nuk ka pasur lëndime në njerëz, përvec vjedhjes se televizorit dhe disa gjesendeve të vogla.
Postimi i plotë i tij:
Të dashur,
Ju falemnderit shumë për kujdesin që keni treguar. Meqë nuk është lajm i mirë, nuk desha ta bëjë publik, por më duhet të sqaroj për të gjithë, që nuk më ka ndodhur asnjë “sulm fizik” dhe askush “nuk është lënduar”, përpos që jemi “vjedhur” pak.
E vërteta është që mbrëmë, dikush i paftuar ka thyer derën e klinikës time. Ka vjedhur një televizor dhe disa gjësende tjera të vogla. Meqë nuk kemi qenë aty, ka kontrolluar në qetësi të gjithë raftet, por na i ka kursyer librat dhe testet e ndryshme, për çka e falënderojmë .
Përndryshe, vërtetë shumë mirënjohës Policisë së Kosovës për profesionalizmin e treguar sot. Shpresoj që vjedhësit do të kapen nga policia dhe pasi të dënohen do të iu dhuroj disa libra të mirë për lexim.
Shëndet për ju dhe familjet tuaja! /InLajmi/
