Shërbimi Korrektues i Kosovës sot kishte një ditë më ndryshe pasi disa pjestarë dolën dhe protestuan para Qeverisë duke kërkuar paga shtesë nga ky muaj, raporton InLajmi.
Në emër të protestuesve ka folur Frashër Rracaj ku tha se kanë marrë premtime nga kryeministri në detyrë Avdullah Hoti se do t’i kenë ato shtesa që iu takojnë.
Më tutje Rracaj ka shtuar se këto premtime Hoti është zotuar se do t’i realizoj brenda këtij muaji
“Ne sapo përfunduam takimin me kryeministrin në detyrë dhe me ministër në detyrë të financave dhe na premtuan që edhe Shërbimi Korrektues të përfshihen në shtesa që nga muaji mars, dhe ngjarjet buxhetore të behën në mbledhje të qeverisë. Protestat pezullohen përkohësisht deri në vendimin e qeverisë që pritet të merret në mbledhjen e parë për muajin mars. Kjo ka qenë kërkesa jonë e vetme drejtuar qeverisë së Kosovës që edhe ne të përfshihemi në këtë ligj”,
Me të marrë këto premtime nga Hoti protestuesit janë shpërndarë. /InLajmi/
