Në Qendrën e Numërimit dhe Rezultateve, sot gjatë ditës pritet të fillojë numërimin e rreth 31.500 votave me kusht dhe rreth 2.800 votave të personave me nevoja të veçanta,përcjellë InLajmi.
Kështu ka thënë zëdhënësi i Komisionit Qendror të Zgjedhjeve, Valmir Elezi, i cili ka njoftuar se sot gjithashtu pritet të fillojë edhe numërimi i votave të cilat kanë ardhur përmes postës.
Elezi ka shtuar se aktualisht në QNR është duke u bërë rinumërimi i vendvotimeve për të cilat ka marrë vendim Komisioni Qendror i Zgjedhjeve.
“Deri më tani janë rinumëruar rreth 88% apo 487 vendvotime nga 552 sa është numri i përgjithshëm i tyre. Po punohet maksimalisht që deri në përfundim të ditës së sotme të përmbyllim procesin e rinumërimit”, ka njoftuar ai.
Ndërkohë, shërbimi votues i KQZ-së të premten në mesnatë ka përmbyllur procesin e vlerësimit të rreth 43.500 pakove të supozuara me fletëvotime. Nga rezultatet preliminare janë aprovuar rreth 53.600 zarfe me fletëvotime, ndërsa janë refuzuar rreth 20 mijë e 400 zarfe./InLajmi/
