27 Shkurti është dita e 58 e vitit, deri në fund të tij janë edhe 307 ditë.
Ngjarje
1563 – William Byrd emërohet organist në katedralen Linkoln, Angli. Byrd (1543 – 1623), kompozitor anglez i Rilindjes, kompozoi shumë forma muzike, përfshi lloje të ndryshme të polifonisë kishtare dhe laike. Kompozimet e tij u përdorën gjeresisht në shërbimet e kishës anglikane, edhe pse ai vetë u kthye në fenë katolike romane më vonë në jetë.
1854 – Kompozitori Robert Schumann shpëtohet nga një përpjekje për t’u mbytur në lumin Rin. Schumann (1810 – 1856) konsiderohet gjerësisht si një nga kompozitorët më të mëdhenj të epokës romantike. Biografët thonë se Schumann nuk ishte vetëm gjeni në muzikë por edhe si kritik dhe mendimtar, me një stil të shkruari aq të mprehtë sa edhe në muzikë; ai ndihmonte kompozitorët e rinj duke nxitur talentin e tyre, veçanërisht Brahms, dhe ndihmoi reputacionin e të tjerëve si Shopen e Mozart. Schumann vuajti nga një çrregullim depresiv gjatë gjithë jetës. Pas tentativës për vetëvrasje më 1854, ai u shtrua në një spital psikiatrik pranë Bonit, ku u diagnostikua me “melankoli psikotik”. Schumann vdiq dy vjet më vonë, thuhet se refuzoi të hante – vuante nga mania se njerëzit përpiqeshin ta helmonin.
1881 – Forcat ushtarake osmane që erdhën për me shu kryengritjen e udhëhequr nga Lidhja e Prizrenit u futën në Shkup pa u pengu fare. Aty u vendos edhe Ibrahim Pasha si komandant i garnizonit. Më 23 mars Ibrahim Pasha thirri në selinë e tij 11 anëtarët e Komitetit të Lidhjes për Shkupin me Jashar bej Shkupin në krye, të cilët i arrestoi pabesisht.
1897 – U botua në Stamboll “Alfabetarja e gjuhës shqipe” e përgatitur nga Sami Frashëri, Vaso Pasha dhe Koto Hoxhi, e cila çeli një epokë të re në fushën e teksteve shkollore.
1900 – U themelua Partia Puntore Britanike.
1900 – U themelua FC Bayern München në München, Gjermani.
1922 – SHBA, Gjykata e Lartë mbështet njëzëri amendamentin e 19-të për të drejtën e grave për të votuar.
1933 – Ndërtesa e parlamentit gjerman, Reichstag, shkatërrohet nga zjarri. Hitleri menjëherë akuzoi komunistët dhe masa të ashpra u morrën kundër partisë Komuniste, ndërsa deputetët e saj nuk u lejuan në parlament. Kjo bëri të mundur që më 23 mars të miratohej akti që i dha qeverisë, dmth, Hitlerit, kompetenca diktatoriale. Në gjyqin e bujshëm mbi djegien e Reichstagut, një holandez i quajtur Marinus van der Lubbe u akuzua për zjarr-vënie si pjesë e një komploti komunist. Disa udhëheqës komunistë, duke përfshirë Georgi Dimitrovin, u akuzuan për bashkëpunim. Van der Lubbe u dënua me vdekje, të tjerët u shpallën të pafajshëm. Për shumë vite ishte supozuar se zjarri në Reichstag ishte vënë nga vetë nazistët si manovër propagandistike për të siguruar humbjen e komunistëve dhe partive të tjera të majta në zgjedhje. Megjithatë, të dhënat më vonë treguan se Van der Lubbe ishte zjarr-vënësi, dhe se Hitleri thjesht e përdoruri atë si pretekst për të nisur një fushatë kundër komunistëve.
1938 – Britania dhe Franca njohin qeverinë e Frankos në Spanjë.
1939 – SHBA, Gjykata e Lartë shpall të paligjshme grevat me qëndrim ulur.
1940 – Martin Kamen dhe Sam Ruben zbuluan Karbonin 14.
1949 – Chaim Weizmann bëhet presidenti i parë i Izraelit. dhe qëndroi në këtë post deri sa vdiq më 1952. Ai arriti ta bindë qeverinë e Shteteve të Bashkuara që të njihte shtetin e sapo formuar izraelit. Weizmann, lindur në Bjellorusi më 1874, në moshë të re shkoi në Gjermani ku studioi për biokimi. Weizmann njihet edhe për zhvillimin e procesit të prodhimit të acetonit nëpërmjet fermentimit bakterial. Ai themeloi Institutin e Shkencave Weizmann në Rehovot, Izrael.
1957 – Udhëheqësi kinez Mao Tse-tung mban fjalimin “Për trajtimin korrekt të kontradiktave mes njerëzve”: “Kontradiktat midis nesh dhe armikut janë antagoniste; mes punëtorëve ato janë jo-antagoniste, ndërsa kontradiktat midis të shfrytëzuarve dhe klasës shfrytëzuese kanë edhe një aspekt jo- antagonist përveç atij antagonist”.
1964 – Qeveria e Italisë kërkon ndihmë për të parandaluar rrënien e Kullës së Pizës e cila po bëhej gjithnjë e më e pjerrët. Një grup pune shumëkombësh i përbërë nga inxhinjerë, matematicienë, dhe historianë u mblodhën në ishujt Azore për të diskutuar metodat e stabilizimit të kullës. Nga përllogaritjet ata thanë se animi i Kullës së Pizës ishte rezultat i fundosjes së themeleve në njërën anë dhe propozuan shumë metoda për të stabilizuar kullën, duke përfshirë shtimin e një kundrëpeshë metali plumbi prej 800 tonësh. Kulla e Pizës sot është stabilizuar për të paktën edhe për 200 vjet të tjera. Eshtë thënë se Galileo Galilei hodhi nga kulla dy gjyle topi me madhësi të ndryshme për të treguar se shpejtësia e rënies ishte e pavarur nga përmasa. Megjithatë, ngjarja nuk është vërtetuar se ka ndodhur, pasi burimi i lajmit ishte vetëm sekretari i Galileos. Gjatë Luftës së Dytë Botërore, aleatët zbuluan se gjermanët ishin duke e përdorur kullën si pikë vrojtimi. Një oficeri i ushtrisë amerikane u dërgua për të konfirmuar praninë e trupave gjermane në kullë dheu impresionua aq shumë nga bukuria e katedrales sa që anuloi urdhërin për sulm me artileri, duke shmangur shkatërrimin e mundshëm të kullës. Në vitin 1987 kulla u shpall nga UNESKO si pjesë e Trashëgimisë së kulturës botërore.
1967 – Dominika u shpall e pavarur nga Mbretëria e Bashkuar.
1974 – Revista People u publikua për herë të parë.
1996 – Satoshi Tajiri krijoi serialin e animuar Pokémon.
2003 – Bilana Pllavshiq u dënua me 11 vjet burg për krime dhe gjenocid ndaj njerzimit.
2008 – Zvicra dhe Austria e njohën Kosovën si shtet të pavarur.
2008 – Zyra ndërlidhëse gjermane në Prishtinë, u shndërrua sot zyrtarisht në Ambasadë të Republikës Federale të Gjermanisë në Kosovë, në të cilën u ngrit edhe flamuri i Republikës
1967 – Adoptohet Flamuri i Antigua dhe Barbudas
2003 – Ish-presidentja serbe e Boshnjes, Biljana Plavshiç dënohet nga gjykata e OKB në Hagë, Holandë, me 11 vjet burg. Ajo ishte duke vuajtur dënimin në Stokholm të Suedisë, dhe në bazë të ligjit vendas u lirua në tetor 2009, pas kishte kryer dy të tretat e dënimit.
2010 – Një dridhje toke me magnitudë 8.8 shkallë godet shtetin e Kilit në 03:34 sipas orës lokale.521 vdiqën dhe 51 të tjerë mungojnë.Dridhja u ndie deri ne Buenos Aires
2012 – Wikileaks fillon zbulimin e 5 milionë mesazheve të postës elektronike të grumbulluar gjatë viteve 2004 – 2011, nga kompania private e zbulimit, Stratfor.
Lindje
- 1902 – John Steinbeck, shkrimtar amerikan, nobelist
- 1928 – Ariel Sharon, politikan izraelit.
- 1932 – Elizabet Tejlor,aktore anglo-amerikane.
- 1954 – Neal Schon, kitarist amerikan
- 1958 – Pashk Përvathi, piktor shqiptar
- 1980 – Chelsea Clinton, bija e ish presidentit amerikan Bill Klinton.
Vdekje
- 1887 – Alexander Borodin, kompozitorë
