Ministri në detyrë i Shëndetësisë Armend Zemaj, ka shprehur ngushëllime për vdekjen e 20 vjeçares e cila po trajtohej në një spital Turqi ku u lëndua nga shpërthimi i zjarrit në Ferizaj, përcjellë InLajmi.
Zemaj ka thënë se përkundër shpresave dhe pritjeve, ajo sot u nda fizikisht, ku la mbrapa ëndrrat.
Postimi i plotë i tij:
Telegram ngushëllimi
E nderuara Familje Haxhidema,
Lajmi se Fatimja, ka ndërruar jetë, na tronditi të gjithëve pa masë. Në këtë ditë të trishtueshme për juve, familjen dhe më të dashurit e Fatimes dhe të gjithë neve, ju shprehim ngushëllimet më të sinqerta, duke iu bashkuar dhimbjes Tuaj.
Përkundër shpresave dhe pritjeve tona, ajo sot u nda fizikisht nga ne, duke lënë pikëllim pas vetes, për moshën e re dhe ëndrrat e saj rinore të këputura padrejtësisht.
Në këto orë të dhimbjes së madhe, jemi me juve dhe dhimbjen tuaj familje e nderuar Haxhidema, duke lutur Zotin për shpirtin e saj dhe të gjeni forcë për ta tejkaluar këtë situatë tepër të rëndë./InLajmi/
