Zyrtarët gjermanë kanë zbuluar 16 tonë kokainë në 5 kontejnerë të transportit, të cilët kanë arritur në portin e Hamburgut nga Paraguaji më herët gjatë këtij muaji.
Policia në Holandë ka qenë e njoftuar edhe për 7.2 tonë shtesë të kokainës, që janë gjetur në portin belg të Antëerpit.
Zyrtarët gjermanë kanë thënë se kokaina ka pasur çmim të tregut deri në miliarda euro.
Një 28-vjeçar, i dyshuar për përfshirje në trafikim të drogës, është arrestuar në Holandë, ka thënë policia holandeze të mërkurën.
2 bastisjet, që kanë ndodhur më herët gjatë këtij muaji, kanë rezultuar me konfiskim të një sasie jashtëzakonisht të madhe të kokainës, kanë thënë zyrtarë të doganave.
Në Hamburg gjendet porti më i madh në Gjermani, dhe i treti për nga madhësia në Evropë.
Paraguaj, në anën tjetër, ka qenë për vite shtet transit kyç për drogë.
Kokaina e pastër mund të ndahet dhe të përzihet me substanca tjera për të rritur përfitimet kur të shitet në rrugë, shkruan Ballkani.info.
Vitin e kaluar, rreth 102 tonë kokainë janë zënë në rrugë për në Evropë.
