Policia e Kosovës ka njoftuar se një person është therrur me thikë në Pejë, ku si pasojë është dërguar për trajtim në spitalin rajonal të këtij vendi, përcjellë InLajmi.
Rastin e ka bërë të ditur Policia e Kosovës në raportin 24 orësh, ku ka theksuar se gjendja e personit është stabile ndërkaq i dyshuari është në kërkim të policisë.
“Është raportuar se viktima mashkull kosovar është sulmuar me një mjet të mprehtë që dyshohet thikë nga i dyshuari mashkull kosovar. Viktima është dërguar në spitalin rajonal dhe si pasojë e plagëve të marra është intervenuar me ndërhyrje kirurgjike. Sipas mjekëve pas operacionit, gjendja e viktimës është stabile, ndërsa i dyshuari është në kërkim të policisë”, thuhet në raport./InLajmi/
