Policia ka arrestuar 4 persona të dyshuar për të cilët kishte urdhëresa të Gjykatës, ku siç njoftohet operacioni ka nisur të shtunën nga njësitet policore të Lipjanit, përcjellë InLajmi.
Kështu ka njoftuar për InLajmin zëdhënësja e Policisë për rajonin e Prishtinës, Flora Ahmeti, ku ka shtuar se personat e arrestuar pas përfundimit të procedurave policore, janë dërguar në vuajtje të dënimit
“Sot njësitet policore të Lipjanit, kanë përfunduar një operacion të nisur dje i cili ka rrezultuar me arrestimin e katër personave të dyshuar për të cilët kishte urdhëresa të gjykatës.
Aksionet janë ndërmarrë në katër lokacione të ndryshme, përkatësisht në fshatin Zllakuqan, Mirenë, Baicë dhe në Janjevë ku janë arrestuar katër persona të dyshuar dhe janë realizuar 4 urdhëresa te gjykatës.
Për personat e arrestuar, kishte urdhëresa aktive të gjykatës për veprat vjedhje e rëndë në tentativë, dëmtim prone dhe dy lëndime trupore. Personat e arrestuar pas përfundimit të procedurave policore, janë dërguar në vuajtje të dënimit”, ka deklaruar zëdhënësja Ahmeti. /InLajmi/
