Ministrja e Jashtme e Kosovës, Meliza Haradinaj-Stublla ka takuar Arbnore Fejza nga Skenderaj, e cila arriti ta krijojë flamurin më të madh në botë me origami, ku hyri në Librin e Rekordeve Guinness, përcjellë InLajmi.
Ajo ka thënë se Flamuri i Kosovës gjigant nga Fejza është akti më i vlefshëm për ta bërë krenar vendin dhe popullin shqiptar.
Postimi i plotë i saj:
ARBNORA E KOSOVËS NË GUINNESS
Urime znj.Arbnora Fejza-Idrizi për një tjetër rekord e një tjetër arritje tuajën, për një tjetër dhuratë të përzemërt për Kosovën tonë të dashur, dhe lartësimin e imazhit të vendit!
Flamuri më i madh në botë i formuar me origami është ai i Kosovës, i njohur zyrtarisht nga Libri i Rekordeve Guinness! Falë përkushtimit të znj. Fejza-Idrizi dhe studentëve nga Skënderaj kjo u bë e mundur – Faleminderit që jeni ambasadorë të Kosovës.
Çdo vepër e mirë, secili gur/origami i vendosur për të mirën e Kosovës, është akti më i vlefshëm për ta bërë krenar vendin e popullin tonë. /InLajmi/
