Ambasadori amerikan Philip Kosnett pas zgjedhjeve të 14 shkurtit, ka shkuar sot në zyrat e Lëvizjes Vetëvendosje, përcjellë InLajmi.
Kosnett ka mbajtur takim me liderin e këtij subjekti, Albin Kurti.
Ndërkaq profesori universitar Blerim Latifi ka komentuar vizitën e ambasadorit amerikan, ku ka thënë se nuk është e vështirë të kuptohen arsyet e vizitës së Kosnettit në LVV.
Sipas Latifit, Kosnett ka shkuar në zyrën e Kurtit për shkak të deklaratave të zyrtarëve të kësaj partie se nuk do ta respektojnë marrëveshjen e Uashingtonit.
Postimi i plotë i tij:
Kosnet i paska shku në zyrë Kurtit.Nuk është e vështirë të kuptohen arsyet: deklarimet e vazhdueshme të zyrtarëve të tij se nuk do ta respektojnë marrëveshjen e Washingtonit, të cilës, siç tanimë dihet, i qëndron prapa edhe administrata e re amerikane. Uroj që Kurti të ketë marrë mësim e të jetë imunizuar nga kjo budallaki e ushqyer vazhdimisht nga broçkullat e Internacionalës socialiste dhe të filloj të sillet si kryeministër shqiptar i Kosovës, e jo si militant i devotshëm i kësaj internacionaleje. /InLajmi/
