Kryetari i Nismës Socialdemokrate, Fatmir Limaj, ka thënë se edhe pas humbjes në zgjedhje ky subjekt nuk do të ndalet duke ngritur zërin për promovimin e Kosovës, raporton InLajmi
Limaj ka falënderuar të gjithë qytetarët të cilët kanë dal për të shfrytëzuar të drejtën e tyre për të votuar.
“Unë dhe në emër të kryesisë falënderoj qytetarët. Ka qenë fushatë e jashtëzakonshme dhe kemi arritur objektivë të madhe. Besoj që të gjithë ata që tentuan të zbehin ato vlera gjatë fushatës elektorale filluan të kthehen. Ne nuk do të ndalemi. Unë sot ndihem krenar që shumë djem e vajza të lirisë së Kosovës ndihen çlirimtar. Do të vazhdojmë së bashku që zërin e fuqinë ta promovojmë së bashku.
“Kësaj radhe Nisma nuk do të jetë pjesë e Parlamentit, mirëpo do të vazhdojmë për luftimin për vlerat kombëtare”, shtoi ai.
Limaj uroi partinë fituese të zgjedhjeve, Lëvizjen Vetëvendosje, duke shtuar se tani është koha që Kosova të ketë një Qeveri stabile.
“Nisma si parti do të vazhdojë të mbikëqyrë atyre që populli ua ka dhënë besimin duke uruar partinë fituese të zgjedhjeve. Tani është koha për punë dhe qeverisje stabile për vendin tonë”,tha ai. /InLajmi/
