Kandidatja për deputete nga radhët e Lëvizjes Vetëvendosje, Mimoza Kusari Lila , një ditë pas publikimit të rezultatit zgjedhorë ka falenderuar qytetarët për procesin zgjedhorë, përcjellë InLajmi.
Ajo ka thënë se qytetarët e Republikës iu përgjigjen referendumit me bindjen e paluhatur se 14 shkurti do të nderojë historinë e deritashme të Kosovës dhe do e përcaktojë të ardhmen e saj.
Postimi i plotë i saj:
Faleminderit të gjithë qytetarëve të Republikës tonë për një proces zgjedhor shembullor, me standardet më të larta demokratike dhe me pjekurinë qytetare që tregon dashuri dhe respekt për vendin dhe lartëson emrin Kosovë!
Dje qytetarët e Republikës iu përgjigjen referendumit me bindjen e paluhatur se 14 Shkurti do të nderojë historinë e deritashme të Kosovës dhe do e përcaktojë të ardhmen e saj.
Ditë e re zbardhi me shkëlqimin e fitores dhe shpresën e të ardhmes.
Urime Kosovë, dashuria jonë e përjetshme! /InLajmi/
