Kryetari i kryeqytetit, Shpen Ahmeti gjatë ditës së sotme ka marrur mjaft kritika lidhur me mospastrimin e rrugëve nga sasia e madhe e borës e cila ua vështirësojke qytetarëve të dalin në votime, përcjell InLajmi.
Ahmeti është përgjigjur ku ka thënë se kanë punuar që nga mbrëmë e edhe gjatë ditës së sotme për të larguar borën nga rrugët.
Ai madje ka thënë se qindra qytetar janë angazhuar për të eliminuar këtë problem, duke krahasuar më kqyeqytete evropiane.
Postimi i plotë i tij:
Dhjetëra kamionë e makineri e pastrimit janë angazhuar që nga fillimi i rreshjeve dje për pastrimin e borës. Janë thirr edhe kompani të tjera për të ndihmuar. Krejt kjo duke ditur që sot gati krejt qytetarët do të ju drejtohen kutive të votimit.
Mund ti lexoni lajmet edhe nga kryeqytete evropiane kur bjen një sasi e tillë e borës. Edhe pse pastrohet vazhdimisht, prapë e dijmë se pa u ndal rreshjet nuk mund të pastrohet krejt.
Që nga mbërmja kemi qenë në kontakt me KKZ për të zhbllokuar rrugët në fshatra.
Pra, tërë natën qindra njerëz, e angazhim maksimal i të gjitha ekipeve për të pastruar rrugët.
Në ora 11 me përqindjen e qytetarëve që kishin dal në zgjedhje edhe na akuzuan se po pengojmë procesin thua se dikush ka porositur borën. Në ora 15 dalja është më e madhe se në 2019. Tani më edhe rrugët janë normalizuar.
Kritikat edhe do ti pranojmë edhe do ti analizojmë. Më shumë kamionë nuk kemi e as më shumë njerz nuk kemi. Më shumë orë natën nuk i kemi pas e as ndikim në sasi të borës nuk kemi.
Me shpresën që të gjithë ata që duan të votojnë nuk janë penguar nga bora, i urojmë partive sukses në këto zgjedhje. Gjendja e njejtë ka qenë dhe është edhe në qytetet ku ata qeverisin në mos më keq.
Qytetarëz i falenderojmë për mirëkuptim e ne edhe sonte vazhdojmë me pastrim./InLajmi/
