Kandidatja e PDK-së për deputet, Valdete Idrizi, është shprehur se ndjehet e fuqizuar në mesin e grave të cilat janë mbështetje e PDK-së dhe e saj, përcjell InLajmi.
Ajo ka thënë se nuk mund të ecin përpara gratë në rast se nuk janë në përkrahje të njëra tjetrës.
Po ashtu ka theksuar se kandidatet për deputete të Kuvendit të Kosovës në listën e PDK-së janë përfaqësimi i denjë dhe zëri i gruas në Kuvendin e Kosovës
Postimi i plotë i saj:
O sa mirë dhe sa e fuqizuar ndjehem në mesin e vajzave dhe grave të mrekullueshme, profesionisteve të lëmive të ndryshme, mikeshave dhe kolegeve, që më përkrahën tërë këto vite.
Nuk mund të ecim përpara pa njëra tjetrën, andaj duhet ta përkrahim njëra tjetrën.
Falemnderit Gruas Demokratike që është shembull i bashkëpunimit dhe përkrahjes.
Në programin e #Rimëkëmbjes gruaja nuk zë vetëm vend të rëndësishëm, por rol kyç. Pa fuqizim ekonomik të gruas nuk ka as fuqizim politik të tyre andaj #Rimëkëmbja ka paraparë politika lehtësuese për punësim të vajzave dhe grave që përbëjnë gjysmën e popullatës, poashtu në arsimim, shëndetsi dhe në të gjitha shtyllat e programit.
Kandidatet për deputete të Kuvendit të Kosovës në listën e PDK-së janë përfaqësimi i denjë dhe zëri i gruas në Kuvendin e Kosovës. /InLajmi/
