Një person është trajtuar nga ekipi mjekësor që ishte në vendin e ngjarjes në lagjen “Bregu i Diellit” në Prishtinë, si pasojë e një zjarri që ka shpërthyer rreth orës 00:00 në një shtëpi, shkruan InLajmi.
Rastin për gazetën InLajmi e ka konfirmuar Agron Borovci, zëdhënës i policisë për rajonin e Prishtinës.
Sipas deklaratës së tij, dëmet materiale janë të konsiderueshme përderisa po hetohet shkaku i zjarrit.
“Rreth orës 00:30 është pranuar informata për një zjarr në një shtëpi në rrugën “Armend Daci” në Prishtinë.Policia ka dalë në vendin e ngjarjes , po ashtu edhe zjarrfikësit të cilët e kanë arritur të lokalizojnë zjarrin.Dëmet materiale janë të konsiderueshme përderisa po hetohet shkaku i zjarrit.Një person është trajtuar nga ekipi mjekësor në vendngjarje. Nuk raportohet për të lënduar “, është shprehur Borovci. /InLajmi/
