Kandidatja për deputete nga radhët e Partisë Demokratike të Kosovës (PDK), Eliza Hoxha, ka thënë se me qeverisjen e kësaj partie do ta rimëkëmbet vendi pas krizës së shkaktuar nga pandemia.
Madje sipas saj, PDK-ja do t’i udhëheq të gjitha proceset e rëndësishme për vendin, duke shtuar se të gjithë ata dëshirojnë t’i bashkohen procesit të rimëkëmbjes e kanë derën hapur.
Hoxha ka folur edhe për mungesën e Kadri Veselit në zgjedhjet e 14 shkurtit ku ka thënë se ky i fundit e ka pasur shumë të rëndësishme idenë e bashkëpunimit edhe fuqizimit të njëri tjetrit.
Ajo e ka konsideruar një shkundje, lëkundje dhe një thymje mungesën e Hashim Thaçit dhe Kadri Veselit për PDK-në .
“Kryetari ka qenë natyrë shumë energjike, shumë i buzëqeshur dhe shumë konstruktiv dhe shumë pozitiv në krejtë proceset dhe në krejt takimet që i kemi pasur. Ka filluar me atë energjinë e mirë, por në fund ka përfunduar edhe me mesazhin që gjithmonë ka bërë shumë përshtypje për ta ndihmuar njëri tjetrin përkrahur njëri tjetrin sepse veç bashkë mundemi me shkuar përpara, veç bashkë mundemi me fuqizuar njëri tjetrin me shty edhe partinë përpara por edhe shtetin e Kosovës. E ka pasur shumë të rëndësishme idenë e bashkëpunimit edhe fuqizimit të njëri tjetrit. Mendoj që kjo është një veti, apo veçori shumë e rëndësishme në lidership, sepse lidershipi modern nuk ka më koncept të liderit autoritar dhe të vendimeve top doën apo lart poshtë që dikush i merr vendimet të tjerët i zbatojnë, por ka një shumësi të mendimesh, vendimesh që bëhen bashkërisht pavarësisht divergjencave apo dallimeve në pikëpamje,ka thënë Hoxha për EO.
Këtë atribut, unë ia kam vlerësuar shumë dhe kjo ka qenë një shtyerje e jona që ne me ruajtur pozitivitetin e me ruajtur energjinë dhe me i tejkaluar sfidat që i kemi pasur, e sidomos nëpër sfidat që i kemi pasur këtë vit duke e ditur që po ndodhë procesi i Hagës e duke e ditur që në një moment ai dhe presidenti, lideri i parë faktikisht kryetari i parë i PDK-së, zotëri Thaçi nuk do të jenë këtu. Normalisht kjo ka qenë një shkundje, lëkundje dhe një thymje edhe për neve sepse na mungon energjia, ideja e tij, ideja e lidershpit, por ata kanë lënë me modelin e tyre me mënyrën se si e kanë menduar partinë dhe procesin brenda saj dhe normal jashtë saj kanë lënë lider të shumtë. Na kanë lënë mirë me shumë njerëz me bagazh njerëzor me profile të ndryshme nga ai kombëtar e deri tek profilet më të reja që i gjejmë në tregun e punës dhe unë mendoj që ky është motivi jonë kryesor që sot ne të vazhdojmë me shumë vullnet me shumë zell e dashamirësi në forma të ndryshme aty ku kemi mundësi me i quar proceset përpara me fuqizuar njëri tjetrin, me fuqizuar partinë dhe më fuqizuar shtetin e Kosovës. /InLajmi/
