Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla, ka mirëpritur letrën që Presidenti i Shteteve të Bashkuara të Amerikës Joe Biden, i ka dërguar Presidentit të Serbisë, përcjell InLajmi.
Joe Biden me letrën e dërguar Aleksandër Vuçiq, ka kërkuar njohje reciproke mes Kosovës dhe Serbisë.
Ajo ka thënë se AAK ka kërkuar moti kohë këtë qartësi edhe nga Bashkimi Evropian si ndërmjetësues.
Postimi i plotë i saj:
Presidenti Amerikan Biden e thotë qartë: Objektivi i Dialogut për normalizim mes Kosovës dhe Serbisë nënkupton NJOHJE RECIPROKE!
Prej shumë kohësh ne si AAK kërkojmë këtë qartësi edhe nga Bashkimi Evropian si ndërmjetësues!
Për arritjen e Marrëveshjes Finale, hapat e mbetur duhet të jenë:
1. Definim i parimeve të Marrëveshjes; dhe
2. Përcaktim i kornizës kohore për arritjen e saj.
Faleminderit sërish, Amerikë /InLajmi/
