Paneli Zgjedhor për Ankesa dhe Parashtresa u ka bërë me dije votuesve jashtë Kosovës se në Facebook po qarkullon një informacion jo zyrtar përmes së cilit iu bëhet thirrje bashkatdhetarëve që nuk janë të përfshirë ne Listën e Votuesve Jashtë Kosovës që të ankohen në PZAP në mënyrë elektronike në adresën zyrtare të PZAP-it: info@pzap-ks.org.
PZAP ka reaguar ndaj këtij informacioni duke thënë se ky informavion nuk është i vertetë dhe se ky nuk është njoftim zyrtar i këtij institucioni, përcjell InLajmi.
“Ky nuk është njoftim zyrtar i PZAP-it dhe ju rikujtojmë se Paneli Zgjedhor për Ankesa dhe Parashtresa – PZAP-i, me datën 22 janar 2021 ka njoftuar Votuesve Jashtë Kosovës me të drejtë vote të cilët kanë aplikuar për t`u regjistruar për të votuar në Zgjedhjet e Parakohshme për Kuvend të Kosovës që do të mbahen më 14 shkurt 2021 e qe aplikacionet e tyre janë refuzuar nga Komisioni Qendror Zgjedhor, mund të parashtrojnë ankesat në PZAP vetëm ne mënyrë fizike përmes postes me dërgesa rekomande e jo në mënyrë elektronike”.
Po ashtu PZAP ka treguar se ku mund të parashtrohen ankesat .
“Ankesat mund të parashtrohen përmes formularit të cilin mund ta shkarkoni ne ueb sajtin zyrtar Gjithashtu ankesat mund të paraqiten edhe në çfarë do letre A4, por duhet të përmbajë informatat e Parashtruesit të ankesës”, njofton PZAP. /InLajmi/
