Kandidati për kryeministër i PDK-së Enver Hoxhaj ka vizituar Veriun e Mitrovicës aty ku para 20 vitesh u vranë 10 shqiptarë dhe u plagsoën 25 persona, përcjell InLajmi.
Hoxhaj ka thënë se do të jemi zëri i tyre dhe do të gjejmë rrugë për të vendosur drejtësi, për familjet shqiptare që jetojnë aktualisht në veri apo që duan të kthehen në pronat e tyre.
Ai ka shtuar se PDK po vazhdon atë që e nisi Hashim Thaçi, Bajram Rexhepi e Ali Kadriu, me përkrahjen edhe të Kadri Veselit
Postimi i plotë i tij:
Në Mitrovicën e Veriut, aty ku para 21 vjetësh, më 3 dhe 4 shkurt 2000, u vranë 10 shqiptarë, u plagosën 25 dhe mbi 10 mijë u shpërngulën, pas dhunës dhe terrorit serb në sy të ndërkombëtarëve. Ne do të jemi zëri i tyre dhe do të gjejmë rrugë për të vendosur drejtësi. Ndërsa, për familjet shqiptare që jetojnë aktualisht në veri apo që duan të kthehen në pronat e tyre,
#Rimëkëmbje do të ndajë edhe fonde për rindërtimin e shtëpive, për zhvillimin e bujqësisë, për punësimin dhe krijimin e ndërmarrjeve të vogla si biznese familjare.Ne po vazhdojmë atë që e nisi Hashim Thaçi, Bajram Rexhepi e Ali Kadriu, me përkrahjen edhe të Kadri Veselit . Çdo shtëpi do të rindërtohet në veri. Ky është synimi jonë dhe vetëm me PDK-në në qeverisje këto plane jetësohen./InLajmi/
