Komisioni Qendror i Zgjedhjeve po e mban mbledhjen e radhës sot, derisa po diskutohet edhe për votat nga diaspora.
KQZ sot ka deklaruar se nuk do të pranohen ankesat nga diaspora të cilat dërgohen në mënyrë elektronike, përveç atyre që dërgohen me postë.
Mirëpo, në anën tjetër ende nuk dihet nëse do të pranohen votat të cilat dërgohen me postë të shpejtë.
“Ende nuk është vendosur, jemi në diskutime. Mbetet për t’u vendosur”, është shprehur për lajmi.net, Valmir Elezi – zëdhënës i KQZ-së, shkruan Lajmi.net.
Në anën tjetër, sot ka filluar fushata zgjedhore në Kosovë e cila do të zgjasë 10 ditë përpara ditës së 14 shkurtit kur do të jetë edhe dita e zgjedhjeve.