Zyrtari polico dyshohet se ka kryer vetëvrasje mbrëmë para stacionit policor në Ranillug, me armë zyrtare, përcjell InLajmi.
Rastin e ka konfitmuar edhe Policia e Kossovës ku ka thënë se në rrethana ende të panjohura me armën e tij zyrtare dyshohet se ka kryer aktin e vetëvrasjes.
Sipas Policisë në raportin 24 orësh, thuhet se arma zyrtare e cila dyshohet të jetë përdorur në rast është konfiskuar ndërsa trupi i pajetë i viktimës me vendim të prokurorit është dërguar në IML për Obduksion.
“Është raportuar se viktima mashkull kosovar derisa ka qenë në kryerje të detyrës zyrtare, në rrethana ende të panjohura me armën e tij zyrtare dyshohet se ka kryer aktin e vetëvrasjes. Njësit relevante dhe ekipi mjekësor kanë dalur në vendin e ngjarjes ku është konstatuar vdekja e viktimës. Arma zyrtare e cila dyshohet të jetë përdorur në rast është konfiskuar ndërsa trupi i pajetë i viktimës me vendim të prokurorit është dërguar në IML për Obduksion”, thuhet në njoftimin e PK-së./InLajmi/
