Kryeministri në detyrë Avdullah Hoti tha se të hënën do të nënshkruhet marrëveshja për vendosjen e marrëdhënieve diplomatike me shtetin e Izraelit, përcjell InLajmi.
Ai ka thënë se zyrtarizmi i marrëdhënieve shtetërore vjen pas bisedës telefonike që zhvillova me 4 shtator 2020 me kryeministrin Benjamin Netanyahu
Ndër të tjera ka shtuar se Kosova si Republikë Parlamentare, mirëpret njohjen dhe vendosjen e marrëdhënieve diplomatike me Shtetin e Izraelit
Postimi i plotë i tij:
Si rezultat i Marrëveshjes së Uashingtonit, nesër
nënshkruajmë marrëveshjen për vendosjen e marrëdhënieve diplomatike me Shtetin e Izraelit.
Zyrtarizmi i marrëdhënieve shtetërore vjen pas bisedës telefonike që zhvillova me 4 shtator 2020 me kryeministrin Benjamin Netanyahu, nga Zyra Ovale në Shtëpinë e Bardhë në Uashington.
Kosova si Republikë Parlamentare, si shtet sekular, mirëpret njohjen dhe vendosjen e marrëdhënieve diplomatike me Shtetin e Izraelit dhe angazhohet për zgjerimin e bashkëpunimit në çdo fushë me interes të ndërsjellë./InLajmi/
