Ministri i Shëndetësisë Armend Zemaj folur lidhur me situatën pandemike në Kosovë, ku ka thënë se 287 persona kanë rezultuar pozitiv me koronavirus brenda 24 orëve, përcjell InLajmi.
Duke treguar se 229 persona kanë fituar betejën me Covid 19, Zemaj ka theksuar se situata me koronavirusin është nën kontroll.
Postimi i plotë i tij:
Vendet e veçanta me njerëzit e veçantë, janë ogur i mirë që fillimi të jetë i mirë dhe i mbarë. Në ditët e mia të para, si ministër, kisha një vizitë mbresëlënëse në Teqen e Shejh Bajramit. Vizitë e paharrueshme.
Ndërsa, sot, kur flasim për menaxhimin e pandemisë në vendin tonë, mund të themi se situata është nën kontroll, por assesi nuk duhet ta ndalojmë përgjegjësinë e detyrat e secilit për luftimin dhe pengimin e virusit vdekjeprurës.
Sot nga 2.438 mostra të marra më 24 orët e fundit, 287 kanë rezultuar pozitiv dhe kemi 229 që kanë fituar betejën me Covid 19. Vetëm bashkë mund t’ia dalim!/InLajmi/
