Kryetari i PDK-së dhe njëherësh kandidati për kryeministër, Enver Hoxhaj ka mbajtur tubim me veteranët e komunës së Klinës, përcjell InLajmi.
Ai gjatë këtij takimi ka thënë se UÇK-ja nuk ndahet për asnjë qëllim politik.
Po ashtu Hoxhaj është zotuar për rritjen e pensioneve të veteranëve në 300 euro ku ka shtuar se nuk do t’i ndërpresin ato nëse kanë një kontratë pune.
Postimi i plotë i tij:
Është vetëm një parti në Kosovë që e bashkon Zonën e Llapit, atë të Shalës, të Drenicës, të Rrafshit të Dukagjinit, të Pashtrikut dhe Nerodimës. Që e bashkon dhe e përfaqëson më së miri Kosovën. Kjo është Partia Demokratike e Kosovës.
Tubimi me veteranët në Klinë është dëshmia më e mirë se UÇK-ja nuk ndahet për asnjë qëllim politik. Me rikëmbëjen, ne zotohemi për rritjen e pensioneve të veteranëve në 300 euro dhe nuk i ndërpresim ato nëse kanë një kontratë pune./InLajmi/
