Kandidati për kryeministër nga PDK Enver Hoxhaj ka mbajtur një takim me veteranët, që po cilësohet madhështor për nga përkrahja, në komunën e Klinës, përcjell InLajmi.
Hoxhaj ka thënë PDK-ja, si trashëgimtare e UÇK-së dhe themeluese e shtetit të Kosovës, është e vetmja që mund t’i parandalojë përpjekjet për njollosjen e luftës sonë çlirimtare dhe për zhbërjen e shtetësisë sonë.
Ai ka shtuar se UÇK-ja është ADN-ja e PDK-së dhe së bashku me veteranët e UÇK-së do ta fitojmë edhe këtë betejë!.
Postimi i plotë i tij:
“PDK-ja, si trashëgimtare e UÇK-së dhe themeluese e shtetit të Kosovës, është e vetmja që mund t’i parandalojë përpjekjet për njollosjen e luftës sonë çlirimtare dhe për zhbërjen e shtetësisë sonë. Veteranët e UÇK-së, që sonte i takova në Pejë dhe shumë prej tyre në Klinë dhe që po i takoj çdo ditë gjithandej Kosovës, ishin përherë krahë për krah me Hashim Thaçin e Kadri Veselin. Klina me Sokol Bashotën foli sonte. UÇK-ja është ADN-ja e PDK-së dhe së bashku me veteranët e UÇK-së do ta fitojmë edhe këtë betejë!”./InLajmi/
