Komuna e Gjilanit ka njoftuar se në 2 javët e para në shkolla të kësaj komune ende nuk ka pasur asnjë rast me koronavirus, përcjell InLajmi.
Drejtori i Arsimit të kësaj komune, Nazim Gagica, ka bërë thirrje për kujdes të vazhdueshëm, në mënyrë që shkollat t’i mbajmë të hapura dhe të parandalohet mësimi online
Postimi i plotë i komunës:
Në dy javët e para, asnjë rast i infeksionit me COVID-19 në shkollat e Gjilanit
Gjilan, 29 janar 2021 – Që prej fillimit të gjysmëvjetorit të dytë, asnjë rast i infeksionit me COVID-19 nuk është regjistruar në shkollat e Gjilanit, përfshirë institucionet parashkollore, shkollat fillore e të mesme.
Drejtori i Arsimit, Nazim Gagica, ka bërë thirrje për kujdes të vazhdueshëm, në mënyrë që shkollat t’i mbajmë të hapura dhe të parandalohet mësimi online.
“I lumtur që në shkollat e Gjilanit gjendja është stabile me Covid-19 dhe nuk kemi të shënuar raste që nga fillim i periudhës së dytë mësimore, edhe pse shkollat e mesme të ulta, procesin mësimor në e zhvillojnë me orar të rregullt dhe të plotë”, ka thënë Gagica. /InLajmi/
