Departamenti i Kufirit i Policisë së Kosovës pranon donacion 1 000 çanta emergjente për t’i shpërndarë te migrantët, në kuadër të projektit “Trajtimi i Sfidave të Covid-19″, raporton InLajmi
Samedin Mehmeti, drejtori Gjeneral i Policisë tha se përkrahja e Bashkimit Evropian po ua lehtëson punën policëve.
“Përkrahja e vazhdueshme nga Bashkimi Evropian për zyrtarët tanë të policisë së kufirit të cilët punojnë direkt me migrantët, na ndihmon të zhvillojmë protokolle të sigurta dhe realizimin e procedurave në mes sfidave të dala nga pandemia Covid-19”,tha ai.
Tutje ai tha që këtë herë mbështetja u jepet migrantëve të cenueshëm, që sapo të vijnë të regjistrohen e të pajisen me çantë.
Ky projekt është implementuar nga Organizata Ndërkombëtare për Migracionin (IOM) dhe Komisariati i Lartë për Refugjatë i Kombeve të Bashkuara (UNHCR).
Prezent në shpërndarjen e këtij donacioni ishin Drejtori Gjeneral i Policisë, Samedin Mehmeti, Shefja e Misionit të IOM, Anna Rostocka, dhe Katerina Lopo, nga Zyra Politike/Integrimi Politik, Ekonomik dhe BE, pranë Zyrës së BE-së./InLajmi/
