Në orët e hershme të mëngjesit, kampi ku janë të strehuar refugjatët sirianë dhe persona tjerë nga vendet tjera ka marrë flake, shkruan InLajmi.
Rastin për Gazetën InLajmi e ka konfirmuar zëdhënësi i Policisë së Kosovës, për rajonin e Mitrovicës, Avni Zaiti.
Ai tha se nuk dihet ende se çfarë e ka shkaktuar zjarrin që është shkaktuar në një pjesë të kampit ku strehohen refugjatët.
“Rasti është inicuar si shkaktim i rrezikut të përgjithshëm. Per momentin nuk dihen shkaqet e zjarrit.
Të gjith ekipet kanë dalur në vendin e ngjarjes dhe kanë përfunduar procedurat. Nuk dihet ende se a ka
persona të lënduar, por 6 persone kanë pasur reksione të syve nga tymi.
Sa i përket dëmeve ende nuk janë vlerësuar tërësisht sepse kampet janë në kuadër të Ministrisë së Punëve të Brendëshme.
Personat tashmë janë në gjendje të sigurt pasi që janë shpërndarë në kontenier të tjerë”,ka thënë Zaiti./InLajmi/
