Albert Krasniqit u vra në kryeqytet, mbrëmjen e djeshme, e ku i dyshuar për vrasjen e tij është babai Skender Krasniqi.
Lajmin e kishte konfirmuar edhe Policia e Kosovës e cila kishte dhënë detaje mbi vrasjen e të riut nga Prishtina.
“Prishtinë 27.01.2021 – 17:02. Është arrestuar i dyshuari mashkull kosovar pasi që i njëjti dyshohet se ka kryer veprën vrasje e rëndë. Në vendin e ngjarjes kanë dalur njësitë relevante policore, prokurori i shtetit, njësia e mjekësisë ligjore dhe ekipi i urgjencës i cili e ka konfirmuar vdekjen e viktimës mashkull kosovar. Në vendin e ngjarjes gjithashtu janë gjetur dhe konfiskuar: një revole, një karikator, tre fishek, një gëzhojë dhe një predhë. Me urdhër të prokurorit trupi i pa jetë i viktimës është dërguar në IML për obduksion ndërsa i dyshuari është dërguar në mbajtje”,thuhet në njoftim.
Ndërsa avokati i Skënder Krasniqit, Ramiz Krasniqi, ka thënë se vrasja e djeshme në Prishtinë ka ndodhur aksidentalisht.
“Ishte aksidentale, nga pakujdesia. Skënderi është në gjendje shumë të keqe, i mërzitur shumë”, ka thënë avokati për Klan Kosova.
Ndërkaq siç e thekson avokati Krasniqi babai i Albertit Skënderi momentalisht është në gjendje të keqë dhe i mërzitur.
