Ministria e Punëve të Jashtme dhe Diasporës Melisa Haradinaj-Stublla ka takuar Zëvendës-Ndihmës Sekretar në Departamentin Amerikan të Shtetit Mattheë Palmer dhe Përfaqësues Special për Ballkanin Perëndimor, përcjell InLajmi.
Ajo tregoi se diskutuan në lidhje me aktualitetin në Kosovë dhe SHBA me marrëdhëniet rajonale, ku në emër të Kosovës e falenderova për përkrahjen e vazhdueshme të SHBA-ve ndaj Kosovës.
Haradinaj më tutje tregoi se i tha Palmerit qëKosova do të ruajë standardin e mbajtjes së zgjedhjeve demokratike.
“Palmer nga ana e tij konfirmoi se SHBA-të do të vazhdojnë përcjelljen me interesim të lartë të zhvillimeve në Kosovë, specifikisht formalizmin e marrëdhënieve diplomatike mes Republikës së Kosovës dhe Shtetit të Izraelit” përfundoi ajo.
Postimi i plotë i saj:
Kisha kënaqësinë e veçantë të bashkëbisedoj me z. Matthew Palmer, Zëvendës-Ndihmës Sekretar në Departamentin Amerikan të Shtetit dhe Përfaqësues Special për Ballkanin Perëndimor.
Biseduam gjerësisht për aktualitetin politik në Kosovë dhe SHBA dhe marrëdhëniet rajonale, ku në emër të Kosovës shpreha mirënjohjen tonë për angazhimin dhe vëmendjen e palëkundur të SHBA-ve ndaj Kosovës, dhe bindjen se edhe në këto zgjedhje parlamentare, Kosova do të ruajë standardin e mbajtjes së zgjedhjeve demokratike e të lira.
Palmer nga ana e tij konfirmoi se SHBA-të do të vazhdojnë përcjelljen me interesim të lartë të zhvillimeve në Kosovë, veçanërisht në implementimin e Marrëveshjes së 4 Shtatorit, specifikisht formalizmin e marrëdhënieve diplomatike mes Republikës së Kosovës dhe Shtetit të Izraelit.
Kjo arritje kulmore për Kosovën, shtetësinë dhe subjektivitetin e saj ndërkombëtar po arrihet falë rolit kyç të SHBA-ve, dhe do të hapë një horizont të ri bashkëpunimi ndërkombëtar për Kosovën./InLajmi/
