Ish deputeti i Kuvendit nga radhët e Aleancës për Ardhmërinë̈ e Kosovës (AAK), poashtu edhe kandidat për deputet, Daut Haradinaj ka reaguar pas deklaratave të presidentit serb, Aleksandar Vuçiq, përcjell InLajmi.
Ai ka thenë se përdorimi i gjuhes nga ana e Serbisë është e rrezikshme dhe se nuk i ndihmon fare rajonit.
“Ngritja e kapaciteteve ushtarake në gjendje gatishmërie, me pretekst se “ndjehet i kërcënuar nga situata në Kosovë”, është gjuhë e rrezikshme, nga e cila ka pësuar i tërë rajoni, ndërkaq Serbisë i ka sjell humbje të luftërave dhe izolim” tha ai.
Kandidati për deputet u shpreh qe uron që Serbia sa më shpëjtë ti bashkohet NATO-së dhe të ketë bashkpunim dhe fqinjësi të mirë me vendet përreth.
“Uroj që edhe Serbia sa më parë t’i bashkohet aleancës perëndimore, duke llogaritur paqe, stabilitet, bashkëpunim dhe fqinjësi të mirë me të gjithë fqinjët e saj”, ka thënë ai.
Haradinaj përfundoi duke thënë“Kosova është shtet i pavarur dhe nuk ka kthim mbrapa.”
Postimi i plotë i tij:
Gjuha e urrejtjes dhe kërcënimet e Vuçiq në llogari të Kosovës, nuk i ndihmojnë aspak stabilitetit rajonal.
Ngritja e kapaciteteve ushtarake në gjendje gatishmërie, me pretekst se “ndjehet i kërcënuar nga situata në Kosovë”, është gjuhë e rrezikshme, nga e cila ka pësuar i tërë rajoni, ndërkaq Serbisë i ka sjell humbje të luftërave dhe izolim.
Kosova ka një forcë mbrojtëse moderne cila po merr pjesë në misione paqeruajtëse, me synim anëtarësimin sa më të shpejtë në NATO.
Uroj që edhe Serbia sa më parë t’i bashkohet aleancës perëndimore, duke llogaritur paqe, stabilitet, bashkëpunim dhe fqinjësi të mirë me të gjithë fqinjët e saj.
Neve jemi më shumë se të vendosur në rrugën tonë drejt perëndimit.
Kosova është shtet i pavarur dhe nuk ka kthim mbrapa./InLajmi/
