Mesut Ozil është prezantuar sot si lojtar i ri i Fenerbahces, duke e zgjedhur një numër goxha të pazakontë në fanellë për një futbollist si ai ,67.
Ish-përfaqësuesi i Gjermanisë dhe fituesi i Kupës së Botës nënshkroi marrëveshje 3 vjeçare e gjysmë me Fenerbahcen të dielën, pasi e shkëputi marrëveshjen me Arsenalin 6 muaj më herët.
Ozil zgjodhi numrin 67 në fanellë për nder të vendlindjes së prindërve të vet, provincës Zonguldak në Turqinë veriore.
67 është numri i tabelave të regjistrimit të automjeteve në këtë provincë.
Duke folur si lojtar i ri i Fenerbahces të mërkurën, Ozil tha: “Nuk e di çfarë të them, në fakt. Jam i lumtur. Ka qenë ëndërr për Fenerbahcen dhe ka qenë ëndërr edhe për mua. Shpresoj se do të jem i dobishëm për ekipin në fushë. Unë besoj në Fenerbahcen”.
Ozil ishte pjesë e Arsenalit nga viti 2013 dhe i shënoi 44 gola në 254 paraqitje për topçinjtë, duke u ndihmuar atyre ta fitojnë 3 herë trofeun e FA Cup, por nuk kishte luajtur asnjëherë që prej marsit të vitit të kaluar, transmeton Gazeta Express.
Shumë klube e kërkuan Ozilin gjatë janarit, por ai zgjodhi të kthehej në atdheun e prindërve dhe të luajë për skuadrën e zemrës.
