Kryeministri në detyrë i Republikës së Kosovës, Avdullah Hoti, ka takuar përfaqësuesit e Sindikatës së Judikaturës, Shërbimit Korrektues, Punonjësve Social, Sindikatës së Policisë, ata të Zjarrfikësve, Sindikatës së Shërbimit Korrektues, Administratës së Pavarur, Sindikatë së Shërbimit Civil, ata të punëtorëve të ATK-së dhe përfaqësuesit e Shoqatës së Infermierëve, përcjellë InLajmi.
Hoti u premtoi se Qeveria do t’i paguaj të gjithë sektorët ku kanë qenë të angazhuar shtesë dhe të rrezikuar në punë, si pasojë e pandemis Covid-19.
Ai tha se sindikalistët po ndjehen të anashkaluar dhe të diskriminuar pasi qasja e institucioneve nuk ka qenë e barabartë për secilin sektor.
Postimi i plotë i tij:
Sot në takim të përbashkët me përfaqësuesit e Sindikatës së Judikaturës, Shërbimit Korrektues, Punonjësve Social, Sindikatës së Policisë, ata të Zjarrfikësve, Sindikatës së Shërbimit Korrektues, Administratës së Pavarur, Sindikatë së Shërbimit Civil, ata të punëtorëve të ATK-së dhe përfaqësuesit e Shoqatës së Infermierëve, u zotova se Qeveria do të paguaj të gjithë sektorët ku ka pasur angazhim shtesë dhe rrezikshmëri në punë, për shkak të pandemisë Covid -19.
Sindikalistët paraqiten një varg kërkesash bashkë me shqetësimin e tyre se, qasja e institucioneve nuk ka qenë e barabartë për secilin sektor, duke theksuar se ata po ndjehen të anashkaluar dhe të diskriminuar. Shpreha gatishmërinë që t’i trajtojmë të gjitha kërkesat veç e veç dhe të shikojmë mundësitë buxhetore për përmbushjen e tyre./InLajmi/
