Kryetari i Aleancës për Ardhmërinë e Kosovës Ramush Haradinaj ka përkujtuar betejat dhe bashkeluftëtarët e tij të vitit 1999, përcjell InLajmi.
Haradinaj i cili është kandidatë për president të Kosovës gjatë ditës së mërkurë në vendin e rënies së heronjeve të zonës së Dukagjinit ka bërë homazhe duke i kujtuar bashkëluftëtarët e tij me disa fjalë plot emocion.
“Në fundin e janarit të acartë të vitit 1999, ishin disa prej ditëve më tragjike gjatë Luftës Çlirimtare. Shumë burra që unë i njoha në vijat e frontit, u përjetësuan gjatë tentimit që të sjellin armët e lirisë”.
Postimi i plotë i tij:
Në fundin e janarit të acartë të vitit 1999, ishin disa prej ditëve më tragjike gjatë Luftës Çlirimtare. Shumë burra që unë i njoha në vijat e frontit, u përjetësuan gjatë tentimit që të sjellin armët e lirisë.
Sa herë do të rrëfejmë për heroizmin e tyre, do të kujtojmë betejat, do të kujtojmë Urën në Bishtazhin, Ujzin, Godenin e Rogovën e Hasit.
Do të kujtojmë me dhembje e krenari, emrat e tyre, Agron Rama, Agim Zeneli, Sejdi Rama, Agush Gjocaj, Bahtiar Morina, Daut Kelmendi, Emrush Çetaj, Gaspër Karaqi, Gëzim Ademaj, Hamdi Berisha, Haxhi Kleçka, Ilir Merturi, Kasim Shala, Luan Smajli, Vëllezërit Memë e Prend Lleshi, Naim Dreshaj, Naim Gashi, Sahit Krasniqi, Valon Gashi dhe Vesel Avdyli. Do të kujtojmë edhe banorët e Rogovës së Hasit, që u flijuan në tentim për të strehuar e shpëtuar luftëtarët e plagosur, Rrustem Morina me të bijtë Selmanin, Muhametin e Nusretin, Ibrahim Kryeziu, Xhevdet Berisha, Zyber Shala, Adem Shala dhe Rifat Shala.
Ata frymëzuan luftën tonë për liri deri në fitore.
