Kandidati për kryeminstër nga radhët e Partisë Demokratike të Kosovës Enver Hoxhaj ka vizituar Komunën e Drenasit, përcjell InLajmi.
Hoxhaj tregoi se u takua me veteranët dhe u rikonfirmua mbështetja e tyre e përhershme për udhëheqësit e luftës çlirimtare, PDK-në, dhe projektin e rimëkëmbjes.
Ushtruesi në detyrë i PDK-së premtoi se në qeverinë e tij të ardhshme, do t’i rris pensionet e veteranëve, familjeve të dëshmorëve dhe invalidëve të luftës.
Postimi plotë i tij:
Pritje e jashtëzakonshme në Drenas. Në takimin me veteranët, u rikonfirmua mbështetja e përhershme për udhëheqësit e luftës çlirimtare, PDK-në, dhe projektin e rimëkëmbjes. Çdo votë për PDK-në në këto zgjedhje, është besim, mirënjohje dhe siguri për shtetësinë tonë.
Në qeverinë time të ardhshme, do t’i rrisim pensionet e veteranëve, familjeve të dëshmorëve dhe invalidëve të luftës. Kosova kurrë nuk mund t’ua kompensoj sakrificën me armë të djemve dhe vajzave më të mira të kombit tonë./InLajmi/
