Humbja e Milanit 0-3 në shtëpi ndaj Atalantës dhe barazimi pa gola i Interit në transfertën ndaj Udineses, i shkojnë për shtati Juventusit.
“Zonja e Vjetër” e pret sot në orën 12:30 në “Allianz Stadium” Bolognën me synimin për të marrë tre pikët që do ta afronin edhe më shumë me kreun.
Pas humbjes 2-0 në “San Siro” ndaj Interit, bardhezinjtë reaguan mjaft mirë në mesjavë në Superkupën e Italisë ndaj Napolit, ku fituan 2-0 dhe ngritën trofeun, i cili ishte edhe i pari për Andrea Pirlon në karrierë si trajner, trasmeton EO
Tani misioni i kampionëve në fuqi është të afrohen sa më shumë me kreun e renditjes, me qëllim që të mbajnë gjallë shpresat për titullin e 10 radhazi kampion, ndonëse këtë sezon beteja me milanezet pritet të jetë vërtetë e ashpër.
