Sekretari i Lidhjes Demokratike të Kosovës Arban Abrashi ka thënë se LDK ka në fokus marrëveshjet me ndërkombëtarët dhe ato marrëveshje të cilat krijojnë vende pune në Kosovë që njëkohësisht zhvillojnë ekonominë e Kosovës dhe integrojnë Kosovën në Bashkimin Evropian, raporton InLajmi.
“Ne kemi vënë Në fokus të veçantë marrëveshjet ndërkombëtare dhe ato të cilat do të krijojë vende të reja të punës në Kosovës dhe do të zhvillojnë ekonominë e Kosovës, do të integrojnë Kosovën edhe më tepër le te themi edhe më rajonin por edhe me Bashkimin Evropian. Synojmë që në fund të javës, të dielën apo të hënën të dalim edhe me programin, e cili do të shpaloset, pjesë, pjesë nga kandidati për kryeministër por edhe nga deputet të tjerë”,tha ai.
Ministri në detyrë I Infrastrukturës tha se vendi ka nevojë që LDK të vazhdojë këto marrëveshje me administratën e re amerikane sepse po flasim për qindra miliona euro, vende të reja të punës përmes investimeve amerikane dhe këtë punë mund ta garantoj LDK-ja, sepse edhe e ka nënshkruar këtë marrëveshje.
“LDK-ja i nevojitet vendit që të vazhdojë këtë marrëveshje edhe e mira e gjithë saj është që edhe administrata e re në ShBA tani më ka bërë të qartë dhe ka dhënë sinjale që është bërë një punë e mirë me këtë marrëveshje e cila duhet të vazhdojë e cila gjithsesi paraqet një prej shtyllave të programit ton ekonomik, sepse po flasim për qindra milion euro dhe mira vende të reja të punës përmes investimeve amerikane dhe këtë punë mund ta garantoj LDK-ja, sepse edhe e ka nënshkruar këtë marrëveshje”, tha Abrashi./InLajmi/
