Seanca e parë në rastin e rigjykimit për vrasjen e politikanit serb Oliver Ivanoviç do të mbahet më 5 shkurt në orën 9:30.
“Sot, unë mora një thirrje nga gjykatësi Valon Kurtaj për seancën e parë në rastin e vrasjes së Oliver Ivanoviqit, që do të thotë se gjykata pranoi kërkesën tonë.
Kjo është seanca e parë në të cilën të pandehurit do të deklarohen rreth fajësisë,” tha avokati që përfaqëson Nedeljko Spasojeviqin, transmeton Klan Kosova.
Edhe pas 3 viteve të plota, rasti i Oliver Ivanoviqit që u vra para zyrës së partisë së tij, Iniciativa Qytetare “SDP” nuk është sqaruar, vrasësit dhe autorët e saj ende nuk dihen.
