Në mbledhjen e Komsionit Qendror të Zgjedhjeve e cila po mbahet për çertefikimin ose jo të deputetëve të cilët kanë probleme me ligjin ka pasur nje përplasje ne mës kryetarës së KQZ-së dhe përfaqësuesit të Lëvizjes Vetëvendosje, raporton InLajmi.
Daka ka thënë se listat për deputetë duhet të votohen veç e veç sipas rregullorës që posedon Komisioni Qendror i Zgjedhjeve.
Ndërsa, përfaqësuesi i Lëvizjes Vetëvendosje në KQZ, Sami Kurteshi ka thënë se është diskriminuese të votohen listat veç e veç.
Kurteshi për Dakën ka thënë se po përpiqet të bëj eleminime politike të partive të caktuara dhe listave të caktuar.
“Kjo është përpjekja për eliminim politik të partive të caktuara, i kuptoj rrethanat politike, tendencat, çështjen në fjalë, mirëpo po e them hapur, kjo është tendencë si e vendeve autoritare të bëhet luftë ndaj kandidatëve me besueshmërinë më të madhe”,tha Kurteshi.
E pas tij ka reaguar edhe përfaqësuesi i PDK-së në KQZ, Arianit Elshani i cili është shprehur që duhet të votohen veç e veç.
“Mos mendoni vetëm tani por edhe për precedanin që po krijohet, do t’i votojmë secilën veç e veç siç ka ndodhur edhe në herat e mëparshme, të pastra e të papastra do të votohet secila listë, do t’i vendosim në votim. Shkoni ashtu siç kanë aplikuar, ose kategorizoni, listat e pastra, ato që kanë bërë përmirësime dhe ato që nuk kanë bërë përmirësime.”,tha Elshani./InLajmi/
