Kryetari i komunës së Skëndetajt, Bekim Jashari ka reaguar ndaj një baneri që sipas tij është i vendosur sipas tij me motive politike, në të cilin është vendosur fotoja e motrës së tij, përcjell InLajmi.
Ai ka thënë se është e papranueshme, jo njerëzore dhe jo etike keqpërdorimi i personalitetit të motres së tij, Besartes, për qëllime të caktuara politike.
Ai ka kërkuar nga organet e rendit si dhe Komisioni Qendror i Zgjedhjeve që të verifikojnë mirë rastin dhe të veprojnë sipas legjislacionit në fuqi
Postimi i plotë i tij:
Sapo më njoftuan që në sheshin “Zahir Pajaziti”, në Prishtinë, është vendosur një baner me motive politike, në të cilin është e vendosur edhe fotografia e motres sime, Besarta Jashari.
Është e papranueshme, jo njerëzore dhe jo etike keqpërdorimi i personalitetit të motres sime, Besartes, për qëllime të caktuara politike.
Një veprim i tillë, në këtë kohë para zgjedhore i bërë nga kushdoqoftë nuk i bënë nder historisë dhe të kaluares sonë të lavdishme, as atyre që në emër të vlerave tona kombëtare tentojnë të përfitojnë politikisht.
Në lidhje me këtë kerkoj nga organet e rendit si dhe Komisioni Qendror i Zgjedhjeve që të verifikojnë mirë rastin dhe të veprojnë sipas legjislacionit në fuqi./InLajmi/
