Sigal Prishtina ka vazhduar me paraqitje të dobëta, këtë radhë ata humbën ndeshjen kundër Trepçës në Pallatin e Rinisë, në kuadër të xhiros së 16-të të Superligës së Kosovës në basketboll.
Trepça ka shënuar fitore ndaj Sigal Prishtinës në udhëtim me rezultat 75:79 (14:15, 22:21, 17:22, 22:21), në kuadër të javës së 16-të të Superligës së Kosovës në basketboll.
Ndeshja ishte shumë interesante nga fillimi deri në fund. Çereku i parë ishte i baraspeshuar dhe përfundon 14:15 në të mirë të mysafirëve. Edhe periudha e 2-të ishte mjaft e barabartë dhe përfundon 22:21 për vendasit dhe skuadrat shkuan në pushim me shifrat 36:36.
Bardhekaltrit e filluan më mirë periodën e 3-të, duke pasur epërsi në 7 pikë, 47:40, por mitrovicasit nuk dorëzohen dhe kalojnë në epërsi 49:52, kurse rezultati në semafor pas 30 minutash ishte 43:48. 10 minutat e fundit ishin mjaft dramatike.
Trepça kishte epërsi deri në 17 pikë, 57:74, por prishtinasi me një seri prej 18:0, kalojnë në epërsi 75:74. Koljeviq me 5 pikë në fund ishte vendimtar dhe hero në fund, ku Trepça triumfon në fund 75:79. Tani të dy skuadrat kanë nga 4 fitore dhe 12 humbje, shkruan lajmi.net.
Te Sigal Prishtina u dalluan Daniel Lekndreaj me 31 pikë e gjashtë kërcime, kurse te Trepça më i miri ishte Ivan Koljeviq me 21 pikë 6 kërcime.
