Sami Mazreku, ushtruesi i detyrës së Drejtorit Ekzekutiv të Byrosë Kosovare të Sigurimit, gjatë ditës së sotme ka nënshkruar memorandum bashkëpunimi me Kryeshefin Ekzekutiv të Agjencisë Kadastrale e Kosovës, përcjell InLajmi
Sipas kësaj marrëvëshje kësaj të fundit i lejohet qasje në informatat e Drejtësisë së Pronës së Paluajtëshme.
Njoftimi i plotë nga Byroja Kosovare e Sigurimit:
U.D. Drejtori Ekzekutiv i Byrosë Kosovare të Sigurimit Sami Mazreku sot ka nënshkruar Memorandum Bashkëpunimi me Kryeshefin Ekzekutiv të Agjencisë Kadastrale e Kosovës, përmes të cilës synohet lejimi i qasjes nga AKK për kompanitë e sigurimeve për leximin dhe printimin e informatave në Regjistrin e të Drejtës së Pronës së Paluajtshme (RDPP).
Nëpërmjet këtij sistemi për të cilin Agjencia Kadastrale e Kosovës i krijon qasje Byrosë Kosovare e Sigurimit, kompanitë e sigurimeve përmes shfrytëzimit të ueb shërbimeve do të kenë mundësinë e regjistrimit të hipotekave në mënyrë elektronike duke mundësuar qasje më të mirë në shërbimet publike, e cila ndikon drejtpërdrejtë edhe në rritjen e efikasitetit dhe procesimit të procedurave të lëshimit të garancive nga kompanitë e sigurimeve./InLajmi/.
