Për vdekjen e gazetarit Muharrem Ramabaja ka reaguar edhe Kryetari i Lidhjes Demokratike të Kosovës Isa Mustafa, përcjellë InLajmi.
Ai tha se mori me pikëllim lajmin për vdekjen e njërit ndër themeluesit e LDK-së, Muharrem Ramabaja.
Mustafa gjithashtu shprehu në emër të tij dhe partisë së tij ngushëllime familjes, miqve, bashkëpunëtorëve të tij dhe gjithë komunitetit të gazetarëve.
Postimi i plotë i Lidhjes Demokratike të Kosovës:
Me rastin e ndarjes nga jeta të veprimtarit, Muharrem Ramabaja, kryetari i LDK-së, Isa Mustafa dërgon këtë telegram ngushëllimi:
“Me pikëllim të thellë mora lajmin për ndarjen nga jeta të gazetarit të njohur, njërit ndër themeluesit e LDK-së, Muharrem Ramabaja.
Muharrem Ramabaja do të kujtohet përherë për sakrificën dhe për kontributin e jashtëzakonshëm në fushën e gazetarisë dhe për vendin.
Në emrin tim personal dhe të Lidhjes Demokratike të Kosovës, i shpreh ngushëllime familjes, miqve, bashkëpunëtorëve të tij dhe gjithë komunitetit të gazetarëve.
Vepra e tij do të jetoj përherë!
I përjetshëm qoftë kujtimi për të!”/InLajmi/
