Limaj: Shumë familje atdhetare i bashkohen projektit tonë

Kryetari i Nismës Socialdemokrate, Fatmir Limaj, ka thënë se ditëve të fundit shumë familje atdhetare anekënd vendit po i bashkohen projektit politik për mbrojtjen e vlerave kombëtare , përcjell InLajmi.

Limaj ka falenderuar familjet e dëshmorëve, veteranëve dhe invalidëve të luftës së Ushtrisë Çlirimtare, të cilët sipas tij po e përkrahin këtë project.

Postimi i plotë i tij:

Të dashura familje të dëshmorëve, veteranëve dhe invalidëve të luftës së Ushtrisë Çlirimtare,
Të nderuar qytetarë e përkrahës,
Jam tejet i lumtur që ditëve të fundit shumë familje atdhetare anekënd vendit po i bashkohen projektit tonë politik për mbrojtjen e vlerave kombëtare.
Vlerat kombëtare për mua dhe bashkëpunëtorët e mi janë të shenjta dhe për këtë, u jam mirënjohës e falënderues çdo familje, çdo bashkëluftëtari e qytetari të vendit tim, që janë duke u bërë krah i fuqishëm i yni në mbrojtje dhe fuqizim të tyre.
I falënderoj e mirënjohje qytetarëve e bashkëluftëtarëve dhe familjeve që po i bashkohen projektit tone./InLajmi/