Banorët e fshatit Bibaj tashmë kanë kryer të gjitha përgatitjet që nesër të shënojnë simbolikisht inaugurimin e Presidentit të SHBA-ve në rrugën që mban emrin e djalit të tij të ndjerë.
Sipas kryetarit të fshatit Bibaj, Faton Haxhisalihu, nesër (20.01.2021) do të ketë një organizim rreth orës 10:30 para shkollës së fshatit.
Ai ka bërë të ditur se në këtë organizim do të jenë të pranishëm edhe pjesëtarë të KFOR-it amerikan, transmeton Gazeta Express.
Tashmë në këtë pjesë të fshatit janë vendosur mbi 100 flamuj amerikanë dhe postera, që nga ura e Ferizajt deri tek hyrja në Autostradë.