Më shumë se 345 mijë nxënës të nivelit parauniversitar rikthehen këtë të hënë në bankat shkollore, trasmeton InLajmi.
Ky gjysmëvjetor, do të fillojë sipas skenarit A dhe varësisht nga gjendja me pandemi mund të kalojë në skenarin B, mësim i kombinuar ose mësim online, si pjesë e skenarit të tretë C.
Ndërkaq Ministri në detyrë i Arsimit dhe Shkencës Ramë Likaj, një ditë më uroi nxënësit dhe mësimdhënësit me rastin e fillimit të gjysmë-vjetorit të dytë të procesit mësim.
Po ashtu ai ka apeluar që të kenë kujdes të shtuar duke respektuar masat anti-Covid.
“Me rastin e fillimit të gjysmëvjetorit të dytë, ju uroj të gjithëve mbarësi dhe ju ftoj për kujdes të shtuar në ruajtjen e shëndetit, duke respektuar masat anti COVID-19.
Falë bashkëpunimit të shkëlqyeshëm mes MASH, DKA-ve, menaxhmentit të shkollave, nxënësve, prindërve, SBASHK-ut, donatorëve dhe partnerëve dhe të gjithë akterëve relevantë, ja kemi dalë të përmbyllim suksesshëm gjysmëvjetorin e parë.
Ju ftoj që edhe kësaj radhe të tregojmë përkushtim dhe të bëjmë më të mirën në ofrimin e arsimit cilësor për nxënësit tanë”,ka thënë ai./InLajmi/.
