Kompania e Ujësjellësit Rajonal “Prishtina”, ka njoftuar banorët e lagjes “Dardania” në Prishtinë se sonte nga ora 18:00 deri në 18:30 parashihet që të rikthehet furnizimi me ujë të pijshëm, përcjell InLajmi.
Kjo kompani ka njoftuar se kipet e operimit dhe mirëmbajtjes janë ende duke intervenuar në sanimin e defektit në 2 pika kyçe, në rrugën ” Garibaldi” dhe te ” Santea”.
Postimi i plotë i Ujësjellësit Rajonal “Prishtina”:
Prishtinë, 17 janar – Të nderuar konsumatorë të lagjes ” Dardania” në Prishtinë, fillimisht kërkojmë ndjesë për pritjen tuaj që të iu vie sa më shpejtë uji në kroje.
Ju njoftojmë se ekipet e operimit dhe mirëmbajtjes janë ende duke intervenuar në sanimin e defektit në dy pika kyçe, në rrugën ” Garibaldi” dhe te ” Santea”.
Kur kemi intervenime në gypa të mëdhenj, parashikimi i saktë i përfundimit të sanimit është i pamundur, sepse përgjatë procesit të punimeve, atëherë kur natyra e defektit është më e ndërlikuar, mund të dalin probleme dytësore nëntokësore.
Sipas informacioneve nga terreni, punimet po vazhdojnë pandërprerë dhe rikthimi i furnizimit me ujë parashihet rreth orës 18:00-18:30.
Në moment që uji vjen, leni rubinetat hapur për pak kohë. Është e domosdoshme kur ka punime në rrjet./InLajmi/
